BakuBus artıq Naxçıvanda fəaliyyətə başlayır

 BakuBus artıq Naxçıvanda fəaliyyətə başlayır

Yaxın vaxtlarda "BakuBus" MMC Naxçıvan şəhərində rəsmi fəaliyyətə başlayacaq.

Şirkətin yaydığı məlumata görə, yeni marşrut xətləri, müasir və komfortlu avtobuslar, həmçinin nağdsız ödəniş sistemi vasitəsilə şəhər sakinlərinə daha rahat və təhlükəsiz sərnişindaşıma xidməti təqdim olunacaq.

Yeni sistem şəhər nəqliyyatında müasir standartların tətbiqinə və sərnişin rahatlığının artırılmasına xidmət edəcək.

Bu addım Naxçıvanda ictimai nəqliyyatın keyfiyyətinin yüksəldilməsi baxımından mühüm yenilik hesab olunur.