Pentaqon Ukraynaya 500 "Patriot" raketinin verilməsinə razı olub

ABŞ Dövlət Departamenti Ukraynaya təxminən 2,1 milyard dollar dəyərində "Patriot Advanced Capability-3" (PAC-3) raketlərinin və müvafiq avadanlıqların olası satışı barədə sövdələşməyə razılıq verib. Bu barədə qurumun məlumatında bildirilir. Nəşrdə qeyd olunur ki, sövdələşmə tam olaraq tərəfdaşlar və müttəfiqlər tərəfindən maliyyələşdiriləcək.

Raketlərlə yanaşı, sövdələşmə Kiyevə PAC-3 MSE raketləri üçün ehtiyat hissələrinin, həmçinin maddi-texniki və proqram təminatının müvafiq elementlərinin təhvil verilməsini nəzərdə tutur.

"Təklif olunan sövdələşmə Avropada siyasi və iqtisadi sabitliyin qarantı olan tərəfdaş ölkənin təhlükəsizliyini möhkəmləndirməklə ABŞ-nin xarici siyasət və milli təhlükəsizlik məqsədlərinə nail olunmasına töhfə verəcək", – deyə bəyanatda vurğulanır.

Qurum bildirir ki, ehtimal edilən satış Ukraynaya "inteqrasiya olunmuş hava və raketdən müdafiə sistemini gücləndirmək hesabına mövcud və gələcək təhdidlərə müqavimət göstərmək qabiliyyətini artırmağa" imkan verəcək.