SEPAH ABŞ-nin sualtı aparatını ələ keçirdi

İran İslam İnqilabı Keşikçiləri Korpusunun (SEPAH) Hərbi Dəniz Qüvvələri (HDQ) sentyabrın 27-də Hörmüz boğazında ABŞ-yə məxsus avtonom sualtı aparatın ələ keçirildiyini bəyan edib.

Bu barədə ISNA agentliyi özünün "Telegram" kanalında SEPAH HDQ-nin bəyanatına istinadən xəbər verib.

"Hörmüz boğazında kəşfiyyat fəaliyyəti həyata keçirən ABŞ ordusuna məxsus qabaqcıl pilotsuz sualtı aparatı ələ keçirmək mümkün olub", — deyə məlumatda bildirilir.

İran tərəfinin məlumatına görə, söhbət "Remus 600" intellektual avtonom sualtı aparatından gedir. Dəqiqləşdirilir ki, hazırda aparat daxilindəki məlumatların çıxarılması üçün qüvvələrin mütəxəssislərinin ixtiyarındadır.