Tramp İranla atəşkəsi uzatdı

Ağ Ev rəhbəri Donald Tramp aprelin 21-də Pakistanın xahişi ilə İranla münaqişədə atəşkəs rejimini Tehranın təklifləri təqdim edilənə və danışıqlar prosesi başa çatana qədər uzadıb.

“İran hökumətindəki ciddi parçalanmanı nəzərə alaraq (bu təəccüblü deyil) və Pakistan Silahlı Qüvvələrinin komandanı Asim Munir ilə Pakistanın Baş naziri Şahbaz Şərifin xahişi ilə bizdən İran liderləri və nümayəndələri vahid təklif hazırlayana qədər İrana hücumu dayandırmaq xahiş olundu”, — deyə Tramp özünün “Truth Social” sosial şəbəkəsindəki səhifəsində yazıb.

 “Regiondakı ABŞ hərbçiləri tam döyüş hazırlığında qalır, İran limanlarının dəniz blokadası isə davam edəcək”, — deyə Amerika lideri əlavə edib.