Ukrayna və Bolqarıstan qaz dəhlizi haqqında müqavilə imzalayıblar

Ukrayna və Bolqarıstan illik gücü 10 milyard kubmetr olan qaz dəhlizinin yaradılması haqqında müqavilə imzalayıblar.

"Milli Söz" xəbər verir ki, bu barədə a Ukrayna Prezidenti Volodimir Zelenski bildirib.

"Energetika da çox vacibdir. Biz enerji koridorunun aktivləşdirilməsi üzərində işləyirik. Bu dəhliz Ukraynaya ildə təxminən 10 milyard kubmetr qaz çatdıra bilər", - deyə o, öz "Telegram" kanalında yazıb.

Ukrayna liderinin sözlərinə görə, bu müqavilə ölkənin enerji təhlükəsizliyi üçün müəyyən zəmanətlər yarada bilər.