ABŞ və Venesuela arasında hərbi qarşıdurma: Tramp zərbə əmri verdi

ABŞ Prezidenti Donald Tramp Venesuela ərazisindəki strateji hədəflərə, o cümlədən mühüm hərbi obyektlərə hava zərbələrinin endirilməsi barədə rəsmi əmr verib. Vaşinqtondan gələn bu qəfil hərbi müdaxilə qərarı regionda gərginliyi son həddə çatdırıb. Pentaqonun həyata keçirdiyi əməliyyatın miqyası və hədəf alınan dəqiq nöqtələr barədə məlumatlar anbaan yenilənir.

Venesuela lideri Nikolas Maduro ölkəsinə qarşı başlanan bu hərbi hücumla əlaqədar dərhal fövqəladə vəziyyət elan edib. Maduro xalqı və ordunu "suverenliyi müdafiə etməyə" çağıraraq, bu addımı birbaşa təcavüz kimi qiymətləndirib. Karakasın küçələrində hərbi hərəkətlilik müşahidə olunur və bütün hava hücumundan müdafiə sistemləri hazır vəziyyətə gətirilib.