Pakistan: Azərbaycana gedən 7 minə yaxın vətəndaş geri qayıtmayıb

Pakistan: Azərbaycana gedən 7 minə yaxın vətəndaş geri qayıtmayıb

Pakistanın rəsmi qurumları bildiriblər ki, turist vizası ilə Azərbaycana səfər edən təxminən 7 min Pakistan vətəndaşı ölkələrinə geri qayıtmayıb.

 Məlumata görə, məsələ parlament komitəsinə təqdim olunan hesabat zamanı müzakirə olunub və viza müddətinin aşılması halları ilə bağlı narahatlıq ifadə edilib.

 Rəsmilər ölkədən çıxışlara nəzarətin gücləndirildiyini, turist vizalarından sui-istifadənin qarşısını almaq üçün yeni tədbirlərin görüldüyünü bildiriblər.

 Qeyd olunub ki, BƏƏ, Səudiyyə Ərəbistanı və Türkiyə kimi ölkələr də viza qaydalarına əməl olunmasına nəzarət etmək üçün ciddi izləmə sistemlərindən istifadə edirlər.

Pakistan hökuməti problemin həlli məqsədilə immiqrasiya və səyahət qurumları arasında koordinasiyanın gücləndirilməsi üçün prosedurlara yenidən baxıldığını açıqlayıb.