Tramp əməliyyatı Mar-a-Laqodan canlı izləyib: Televiziya şousu kimi idi

ABŞ Prezidenti Donald Tramp, Venesuela lideri Nikolas Maduronun ələ keçirilməsi ilə nəticələnən xüsusi əməliyyatı Florida ştatındakı Mar-a-Laqo malikanəsində qurulmuş xüsusi qərargahdan canlı izlədiyini açıqlayıb. Trampın "Truth Social" hesabında paylaşdığı fotolarda onun yanında Dövlət katibi Marko Rubio, Müdafiə naziri Pit Hegseth, Mərkəzi Kəşfiyyat İdarəsinin (MKİ) direktoru Con Ratkliff və digər yüksək rütbəli rəsmilərin olduğu görünür.

 "Fox News"a müsahibə verən Tramp əməliyyatın gedişatını belə təsvir edib: "Mən buna sanki bir televiziya şousuna baxırmışam kimi baxırdım. Hər şeyi, hər bir detalı canlı izlədik. Oradakı sürəti və gücü görməli idiniz. Möhtəşəm bir planlama idi." Prezident əlavə edib ki, ABŞ qüvvələri Maduronun "polad qalasına" saniyələr içində daxil olublar.

 Fotolarda Tramp və komandasının monitorlar qarşısında gərgin şəkildə "Delta Force" bölmələrinin Maduronun iqamətgahına daxil olma anını və paytaxt Karakasa endirilən hava zərbələrini izlədiyi əks olunub. Qeyd olunur ki, əməliyyatın uğurla başa çatması xəbərindən sonra qərargahda böyük sevinc yaşanıb. Tramp bu gecə Florida sahillərindən xalqa müraciət edəcəyini də bildirib.